La biblia tiene razon, por Dr Elie A.Shaul

Los ke se kreyon, judios kome Krisianos dizen ke la Biblia fue abashada de los sielos y todo lo ke esta eskrito aya es verdad. Ma de los tiempos muy leshanos y por la mas parte empesando del XVII en siglo siertos intelektuales y especialistos de la Biblia bushkaron a a diskreditarla (itibardan dá?ázá?ármek) en dizyendo ke en la Biblia allado de siertas vertades historikas ay munchas legendas por no dizir konsejas y mezmo siertas eskritas enkluidas en la Biblia son kopyadas de siertas eskritas muncho mas viejas de todo lo ke se eskrivio en la Biblia.

Oy ya se save ke la Biblia fue arekojada en un livro entero y kanonazada komo 2500 antes de muestros dyias.

Las bushkidas arkeolojikas ke se izo en muestro siglo, konfirma (teyit etme) kaji todos los pasajes histrikos ke estan eskritas en la Biblia. Aki pensamos a kontar en kurto siertas bushkidas en este domenyo (busahada).

Una mission arkeolojika Anglo-AAmerikana izo siertas bushkidas en los anios 1926-1928 eb Mezopotamya (el Irak de muestros diyas). En la kavesera de estava el prof. Wooley. Lazs investigasiones (arastumalar) del prof. Wooley fue serka de la sivdad Ur, famoza del tiempo de los Sumeres y tambien konosida de la epoka de Avraam Avinu. Wooley y su komision kijeron bushkar provas si el deluvyo (tufan) ke mos konta la Biblia (Genèse 6-7-8) kontantos detalios fue una verdad atmosferika. En sus bushkidas deskuvrieron un pozo ondo y aki kates de tierras ke vinyeron kon las luvias formidavles. Estos depos de tierras ke fueron araztadas y depozadas en el pozo fue de tres metros de ondura. El profesor Wooley y su komision dizen ke esto pruva ke el deluge ya fue una verdad y esto arivo a esta partida del mundo kaji 4000 anios antes la historia.

En la Biblia en el segundo livro (Exode), primer kapitolo meldamos ke los Judios lavoraron komos esklavos y participaron a las fraguas de las sivdades de Pitom y ramses. Ya es savido ke los Judios ke viniyan de Erets-Yisrael bivyeron en Misrayim (Mizir) komo 400 anyos, empessudo de Yosef Ijo de Yaakov y fin Moshe Rabinu. El prof. Pierre Montet del Universita de Strasbourg el kon su grupo izyeron bushkidas arkeolojikas en Misrayim por deskuvrir las ruinas de estas dos sivdades donde mos konta la Biblia. Las ekskavasiones (kazilar) se isyeron en los anyos 1929-1932.

Adelantre toparon las ruinas de Pitom komo 50 kilometros en el sud-ouest (Gá?áney-bate) de la sivdad de Port-Said d emuestros dias.

Y 30 anyos mas tadre toparon las ruinas de la sivdad de Ramses. Tambien allado de las ruinas de estas dos sivdades toparon los grandes depos para guadrar el trigo, depos propozados y fraguados
por la inisiativa de muestro Yoosef Asadik Ijo de Yaakov ke tanto avla la Biblia por el (Genèse 37-50).

La Biblia mos kontabke los Judios despues de la salidura de Ayifto, mientres los 40 anyos ke bivyeron en el dezyerto se mantenieron en komiendo la magna (manne) y esto eskrive el segundo livro de la Tora (exode 16).

Mos enteresimos a este sujeto y ya savemos ke los beduinos Arabos (Arap bedevileri) ke biven oy en el dezierto de Sinay komen la magna del dezierto y eyos la yaman Manasama en Arabo y en judeo-espaniol Magna del sielo.

En la okupasion de Jericho (Yeriho en hebreo) la Biblia mos avla de la grande pared ande mos avla la Biblia Yeriho, sivdad yena de arvoles de datiles komo en el tiempo de los Judios ke konsistavan Erets-Yisrael kon el suksesor de Moshe Yeushua a sus kavesera.

Ya es savido ke el rey Shalomo eksportava kovre. Kovre aviga en Erets-Yisrael? Si, ya aviya ... En el 5 livro de la Tora (Deutéronome 7), ay eskrito ke "las piedras del pais (Erets-Yisrael) son de fierro y de las montanias kitaras e kovre".

No ay menester de muná?áo bushkar si lo ke eskivyo la Biblia por elhovre ya es verdad. El el Neguev en Timna, 50 kilometros alnorte del porte de Eilat y ekspluatasion de kovre en muestrosdizas.

En la Biblia eskrive : I. Melahim 9, 10 (I. Rois 9, 10) "Salomonarekojo 1 400 arabas de guerra (chars) y 12 mil kavalieros (12bin sá?ávari). Estavan kanto nadas en sivdades de garnizon y enYerushalayim. Una de estas sivdades de garnizon era Meguido".

Una munchas bishkidas arkeolojikas en Meguido per akeologo Amerikanos (L'Institut d'Orientalisme d el'Université de Chicago). Tambien munchos arkeologos Israelis izyeron
investoigasiones tambien en Meguido, y toparon aki Caballerizas (Ecuries) tayados en los pinyaskos (kayalar á?ázerinde yontulmus ahirlar buldular : en turko).

La lista de los arkeologos Israelis es muy larga para kontarlos a todos y lo ke toparon de todo lo ke esta mensionado en la Biblia. Estos izyeron bushkidas arkeolojikas en Meguido, en Hatsor, en
Tsipori, en Gamla, en Yerushalayim y en munchos mas lugares en Israel. Montaremos unos kuantos de las arkeologos de los mas popualres Israelis. Prof. Sukenik, Prof. Yigal Yadin, Prof. Nahman Avigad, Prof. Meir Ben Dov, Prof. Avraam Neguev y munchos mas todos estos izyeron ekskavasiones (kazular) en Israel y deskuvieron munchas kozas ke estan mensionadas en la Biblia.

Kon esto arivamos a entender ke kaji todo lo ke eskrive la Biblia de la historia del puevlo Judio es verdad.

Alora puedemos deklarar sin disguna duta ke "la Biblia tiene razon".

Retour au sommaire



- Copyright © 1993 Moïse Rahmani - Institut Sépharade Européen