BLOG - sefarad.org

Parachat Vaet'Hanan, Shabbat Ha'hamou 13 Av 5774, Shabbat 9/8/2014

MENU

SEFARAD.org
LOS MUESTROS

Annonces
Nos Peines
Nos Joies

La perasha de VAETHANA
 
 
 
En esta perasha meldamos la rogativa de Moshe delantre del Santo-Bendicho-El: "Pase yo agora, te rogo, i vea la buena tierra ke esta al otro lado del (rio) Yarden".
 
La setensia del Dio, de no desharlo a Moshe entrar a Erets-Yisrael, fue un kastigo muy severo.
Es ke el ombre ke sako al puevlo de esklavedad i los gio 40 anyos en el dezierto no meresiya la buena paga?
Moshe, por seguro, tuvo el konsentimiento ke su mision fue kortada por en medio, sin ke tenga el zehut de gozar del rezultado de su lucha i de sus esforsos en favor de el puevlo.
 
El Dio permetio a Moshe de ver de leshos a la tierra prometida:
"Suve a la altura de la montania i alsa tus ojos al oksidente, i al norte, i al sud, i al oriente, i mira kon tus propios ojos; porke no pasaras el Yardan."
 
Parese un poko sorprendente por ke se disho a Moshe
"ALSA tus ojos". ?No es ke el ke esta en sima del monte
tiene de mirar abasho i no de alsar (levantar) sus ojos?
 
Muestros savios mos eksplikan, ke ay de mirar sovre la tierra santa non solamente kon "ojos fizikos" ke alkansan verla solo komo un pais, tal kual otros paizes.
Entonses, ay de mirar i egzaminar bien ke es lo ke simboliza este pais, su valor, sus posibilidades i su futuro.
Ansi, en ALSANDO sus ojos, vido Moshe la tierra prometida.
 
En esto disheron muestros hahamim:
"Vido Moshe kon sus ojos, mucho mas de lo ke vido Yeoshua,
(el konkistador del pais), kaminando de a pie".
 
La Haftara es Isaia 40 (1-25

- Copyright © sefarad.org - 1997 - 2019

Retour au Site sefarad.org