BLOG - sefarad.org

Perashat Yitro, Shabbat 18 Chevat 5755, Shabbat 07/02/2015

MENU

SEFARAD.org
LOS MUESTROS

Annonces
Nos Peines
Nos Joies

La perasha de YITRO

 

                                               

 

Muestra perasha, titolada al nombre de Yitro, el suegro de Moshe Rabenu, esta despartida en dos partes.

La primera parte mos konta por Yitro, ke vino a vijitar a Moshe en el dezierto.
Yitro oyo todo lo ke el Dio avia echo a Moshe i a Yisrael su puevlo, i komo Adonay sako a Yisrael de Ejipto.

En esta vijita familial, Yitro ensenyo a Moshe los fondamientos de la administrasion de kualkier governo i de kualkier sistema de djustisia.
Es muy interesante de notar ke todos estos prinsipios de dominio, fueron dados por mano de persona, i no fueron un mandamiento divino. Mos aze pensar ke afilu antes ke se diera la Tora, ya avia en el puevlo una koleksion de reglas de kondukta.
Muesros Hahamim ya lo disheron:
"kostumbre de tierra ("dereh erets") antisipa la Tora".

La segunda parte de la perasha es un relato sovre el evenimiento sublimo i uniko en la estoria del puevlo. En este evento istoriko oyo el puevlo de Yisrael la boz del Dio sovre el monte de Sinay, resitando los diez mandamientos.

Los diez mandamientos (ke meldamos en Shemot 20, 2-17) son un pakto entre el Santo-Bendicho-El i el puevlo de Yisrael. Aki topamos los prinsipios de muestra Ley: etika i djustisia, Shabat, proibido de idolatria, i mas.
Es verdad, ke los diez mandamientos no inkluyen todas las mitsvot, komo por egzemplo todo el ritual de las Korbanot (sakrifisios i ofrendas). Verdad ke kada una de las 613 mitsvot es importante, i kale de tratar i kumplirlas. Ma, Rabi Yehuda Halevi en su livro aKuzari mos trae, antes de todo, la konsepsion de muestros profetas, ke la Tora no sera kumplida sino en kumpliendo la konstitusion sosiala, la djustisia, i la alavansa al Dio.

 

 La Haftara es Ishaya 6

- Copyright © sefarad.org - 1997 - 2019

Retour au Site sefarad.org