BLOG - sefarad.org

Perasha Michpatim, Shabbat Chekalim 25 Chevat 5775, Shabbat 14/2/2015

MENU

SEFARAD.org
LOS MUESTROS

Annonces
Nos Peines
Nos Joies

La perasha de MISHPATIM

 

Despues de darmos los diez mandamientos (en la perasha de Yitro), topamos en muestra perasha de Mishpatim mas de 50 mitsvot i enkomendansas. Lo mas de las leyes aki diskuten sovre relasiones entre la djente, proibisiones i kastigos por kavza de danios, rovos, matansa, el tema de esklavidad, i mas.

La Tora dedika mucha importansia a las mitsvot entre una persona kon la otra, presizamente por el punto de vista ke ve kada pekado ke kometemos, Has-veshalom, kontra alguna persona, komo si fuera un delito verso el Dio; porke el Dio es el kreador i patron de todo el mundo.

Por darvos un solo egzemplo a esta konkordia, pasare al pasuk muy renombrado (en Vayikra 19, 18):             

"I amaras a tu kompaniero (kulaker otra persona) komo a ti mismo; YO Adonay".

Los dinim i mandamientos ke en la perasha de Mishpatim, apenas komensan a prezentarmos un poko del grande i vasto kodekso de la ley ebrea.  En uno de los ultimos pesukim en la perasha, dize el Dio a Moshe:   "Suve a mi al monte....i te dare tavlas de piedra, i la ley, i mandamientos, ke eskrivi  PARA  ENSENYARLES".

Al pareser ke kon las palavras "para ensenyarles", se dyo la inspirasion i la autoridad a muestros hahamim, durante todas las jenerasiones, de detaliar i espesifikar las leyes de la Tora.

 

La Haftara es Reyes II, 11-17  12-17

- Copyright © sefarad.org - 1997 - 2019

Retour au Site sefarad.org