BLOG - sefarad.org

Perasha Truma shabbat 2 Adar 5775, Shabbat 21/2/2015

MENU

SEFARAD.org
LOS MUESTROS

Annonces
Nos Peines
Nos Joies

La perasha de TRUMA                                                                                          
El pakto entre el Santo-Bendicho-El i su puevlo empesa en dandomos los diez mandamientos sovre el monte de Sinay,  i  -a kontinuasion- kon las palavras del Dio en la perasha de Truma:
"I me aran santuvario i morare entre eyos".

En la aftara de esta semana meldamos un pasuk semejante:
"I abitare.....en medio de los ijos de Yisrael, i no deshare a mi puevlo".

Desde la perasha de Truma i a lo largo de kaji todo el livro de Shemot, mos konta la Tora en detalyo sovre la ovra del santuvario en el dezierto.

El orden a Moshe fue de tomar ofrendas (kontribusiones) para
este objektivo "de todo varon ke la diere de su veluntad, de korason".  De aki podemos entender a tanto importante es kuando todo el puevlo se auna kon ardor para kumplir alguna ovra de aspekto nasional.

Es muy interesante a notar, ke muestros hahamim en el Midrash topan muchas analojias entre la kreasion del mundo i entre el Mishkan (el santuvario), i en todos sus atuendos i su moblaje. Komo por un solo egzemplo: "I aras una almenara (kandelar) de oro fino" por la kual meldamos en muestra perasha; frente lo ke meldamos en Bereshit:
"I disho el Dio: Sean luzeros en la espandidura de los sielos".

Lo kuriozo es ke la Tora deskrive brevemente la kreasion del mundo, en un total de 30 pesukim; (apenas diez-por-siento de los pesukim nesesarios para deskrivir detaliadamente la tienda del santuvario i su kontenido).
Al pareser ke la Tora mos indika aki ke el santuvario es la alma
de todo el mundo i su razon de egzistir.
 
La Haftara es Reyes I, 15 26-6

- Copyright © sefarad.org - 1997 - 2019

Retour au Site sefarad.org