BLOG - sefarad.org

Perasha Ki Tissa, shabbat 16 Adar 5775, Chabbat 7/3/2015

MENU

SEFARAD.org
LOS MUESTROS

Annonces
Nos Peines
Nos Joies

 
 
La perasha de KI TISA
 
La perasha de Ki-tisa esta kargada kon muchas kestiones importantes ke abrasan muchos aspektos de la vida de muestro puevlo. Ma, en el sentro de la perasha meldamos sovre el evento mas traumatiko, al menos de punta de vista relijioza:
El evenimiento por lo kual avlamos es el pekado ke kometieron muestros padres en el dezierto. Eyos formaron un bezerro de oro, se enkorvaron a el, i sakrifikaron a el, en diziendo:
"Yisrael, estos son tus diozes".

En el Midrash ay un debate de muestros hahamim, kalkulando kuantos dias pasaron desde akel dia grande i temerozo, kuando todo el puevlo oyo la boz del Dio sovre el monte de Sinay.   A lo mas mucho, solo 29 dias pasaron desde la deklarasion
kolektiva del puevlo:
"Todo lo ke avlo Adonay aremos i ovedeseremos" (Shemot 24 7).

Es kon muchas rogativas de Moshe, muestro pastor fiel, ke Adonay se arrepentio del mal ke avlo de azer a su puevlo por kavzo de este gran pekado.

Muy kuriozo komo en un periodo muy kurto se borraron de la
memoria del puevlo todos los milagros i todas las maraviyas ke
izo i mostro el Dio a los ijos de Yisrael.
De la otra parte, bien savemos de la estoria de muestro puevlo sovre numerozos kavzos i evenimientos kuando djudyos no abandonaron la Ley afilu en epokas de estrechura i de persekusiones.

Todo esto mos aze meditar ke la fe i la devosion a la emuna
no se ganan realmente en viendo espektakolos de maraviya.
La fe krese en el fondo del korason de kada uno i uno solamente despues de firme desizion personal.
 
 
La Haftara es Reyes I, 18,20-39

- Copyright © sefarad.org - 1997 - 2019

Retour au Site sefarad.org