BLOG - sefarad.org

Perasha Vayakhel-Pekude, Shabbat Para Rosh Hodesh 23 Adar 5775, shabbat 14/03/2015

MENU

SEFARAD.org
LOS MUESTROS

Annonces
Nos Peines
Nos Joies

La perasha de VAYAKHEL-PEKUDE
 
                        
Ay anyos en los kual se meldan DOS kapitolos de la semana:
La perasha de Vayak'hel djuntos kon la perasha de Pekude.

Meldamos, kon grande profuzion de detalyos, sovre el plano del santuvario (el Mishkan) asta la realizasion kompleta de la ovra.

Moshe Rabenu adjunto a toda la kongregasion de los ijos de Yisrael, i les disho, por akodrarles, ke "sesh dias se lavora, ma el dia seteno vos sera santo, dia de repozo para Adonay".
Esto fue dicho por aksentuar ke es proibido de ovrar en Shabat,
afilu no para la fragua del santuvario.
 

A kontinuasion meldamos sovre las ofrendas para la ovra del Mishkan, i el pasuk    (35, 22) mos dize:                                                                                             
 "Vinieron ansi ombres komo mujeres, todos voluntarios de korason, i trusheron.....etc."

Entendemos de aki ke la fragua del santuvario fue echa solamente por mano de djente voluntaria i de buena veluntad, i non komo algun ovligo o impuesto sovre kada uno i uno del puevlo.

Ma, de toda manera, durante todo el proseso de la fragua del Mishkan, en las perashot de Vayak'hel-Pekude topamos no menos de 18 vezes la ekspresion  : 
izieron.....komo Adonay le avia mandado a Moshe".

Parese ke a fin de kuento, se auno todo el puevlo por partisipar kon entuziazmo a la fragua del santuvario en el dezierto.

La Haftara es Ezekiel 36, 16
 

- Copyright © sefarad.org - 1997 - 2019

Retour au Site sefarad.org