BLOG - sefarad.org

Perasha Bamidbar, Shabbat 5 Sivan 5775, Shabbat 23/05/2015

MENU

SEFARAD.org
LOS MUESTROS

Annonces
Nos Peines
Nos Joies

Kon la perasha de Bamidbar entramos a meldar el kuarten livro del humash, yamado "el livro de Bamidbar".

No por nada fue yamado este livro "Numeros" (en kastelyano); porke la grande parte de su kontenido mos konta sovre los tsenzos del puevlo "de edad de vente anyos i arriva, todos los ke pueden salir a la gerra".
Despues, otro un tsenzo espesial por kontar el numero "de los primodjenitos (behores), machos de los ijos de Yisrael";
Los komentadores de la Tora no se akontentan kon esta eksplikasion tan simple. Eyos mos azen akodrar el pasuk en Shemot (7,4) ke dize:
"I Yo sakare a mis fonsados, mi puevlo, los ijos de Yisrael, de la tierra de Ejipto, kon grandes djuisios".
Dunke, segun este pasuk, el puevlo de Yisrael es la armada del Santo-Bendicho-El,   i kada uno del puevlo es un soldado ke tiene de seguir los mandamientos del Dio kon el objektivo de reformar  i  reparar el universo.

El Midrash Tanhuma, de su parte, trae un pasuk del profeta Oshea (9,10): "Komo uva en el dezierto topi a Yisrael", para aksentuar ke totalmente al kontrario del ambiente del dezierto, (ke es un lugar salvaje, sin sivilizasion i sin etika), el puevlo de Yisrael, de todas las nasiones, fue apto i meresido a resivir aya la Tora.
 
 
<span dir="LTR" style="font-size:12.0pt;Times New Roman" ;"="">La Haftara es Osee 2, 1-22

- Copyright © sefarad.org - 1997 - 2019

Retour au Site sefarad.org