BLOG - sefarad.org

Perasha Naso, Shabbat 12 Sivan 5775, Shabbat 30/5/2015

MENU

SEFARAD.org
LOS MUESTROS

Annonces
Nos Peines
Nos Joies

La perasha de NASO
 
La perasha de Naso kontiene 176 pesukim, mas de kada perasha ke en la Tora. Ay kien bushko i topo ke en el salmo 119, ke es el mas largo en Tehilim, tambien ay 176 pesukim. En muestra perasha se avla por varyas kestiones muy importantes, de las kual me parese la Birkat-Koanim la mas korriente. El Dio enkomendo a los koanim (saserdotes) a bendizir al puevlo de Yisrael, en un teksto permanente i breve: "ANSI bendiziresh a los ijos de Yisrael". Kon su pura brevedad (no mas de 15 biervos en ebreo) kontiene la bendision todo en todo lo bueno: "Adonay te bendiga, i te guadre; aga alumbrar Adonay su kara sovre ti, i te engrasye; alse Adonay su kara sovre ti, i ponga (meta) en ti paz, i poneran Mi
nombre sovre los ijos de Yisrael, i Yo los bendizire". Muestros hahamim enkomendan a los koanim de bendizir al puevlo kon sentimientos de amistad i amor. En el livro del Zohar dizen, ke koen ke no tiene esta emosion, mijor ke no suva a bendizir. Tal vez esta es la razon ke durante esta orasion, los koanim se apozan en frente del puevlo i no frente el Aron aKodesh komo uzual. El pasuk (en Bamidbar 6,22) eskrive:
 
"Ansi bendiziresh a los ijos de Yisrael, diziendoles, etc." Un dia bendicho, en meldando este pasuk,      topi ke la palavra "diziendoles" esta eskrita en ebreo "AMOR laem" (mientres ke en jeneral se dize "Emor laem"). Sera un senyal mas, por mozotros sefaradim, de tener mas ayinda amor i amistad entre nos?
 
La Haftara es Jueces,13, 2-25

- Copyright © sefarad.org - 1997 - 2019

Retour au Site sefarad.org