BLOG - sefarad.org

Perasha Balak, Shabbat 17 Tamouz 5775, Shabbat 4/7/2015

MENU

SEFARAD.org
LOS MUESTROS

Annonces
Nos Peines
Nos Joies

La perasha de Balak

 

La perasha de Balak es una de las pokas perashot ke son al nombre de alguna persona: Noah, Yitro, Korah, Balak i Pinhas.

Tal vez se puede inkluyir tambien en esta lista la perasha de Haye-Sara.

 

Ma, No es Balak el protagonista de muestra perasha sino Bileam ijo de Beor.
Muestros hahamim komparavan la saviduria de Bileam i su fuersa majika a la kapasidad i la profesia de Moshe Rabenu.

 

Balak, el rey de Moav, djuntos kon los viejos (mayorales) de Midyan, se dieron kuenta ke por venser al puevlo de Yisrael no sera posivle solamente kon la fuersa de las armas.

Esta fue la razon ke Balak mando a yamar a Bileam el mago:

"Ven, maldize por mi a este puevlo".

 

Bileam estuvo entre dos partidos:

De una parte aborresiya al puevlo de Yisrael.

De la otra, rekonosiendo al uniko Dio, disho:

"No puedo pasar el dicho de Adonay mi Dio".

 

El profeta Miha dize, ke Bileam, de la boka del Dio, fue ovligado a bendizir a Yisrael: 
"Para ke konoskas las djustisias de Adonay" (Miha 6, 5).

 

Bileam, mas de todo el mundo, supo el sekreto i la gloria de Yisrael (kuando aunado), i mos desho sus bendisiones, eskritas en un estilo de poezia maravioza, por realizarsen, kon bueno, en el fin de los dias.

 

Entonses ke fue el pekado ke kometio Bileam?

 

Kon su odio tan fondo kontra muestro puevlo, el es el ke konsejeo a Balak de sedusir a los ijos de Yisrael a pekar kontra el Dio i azer maldades kon las ijas de Moav.

 

Dunke, en la gerra kontra Midyan, mataron los ijos de Yisrael a los reyes de Midyan; tambien a Bileam lo mataron a espada.

 

"Ek, el puevlo, komo leon se levantara, i komo leon elevara".

 

 

Haftara Michée, 5-6

- Copyright © sefarad.org - 1997 - 2019

Retour au Site sefarad.org