BLOG - sefarad.org

Perasha Matot-Masei, Shabbat 2 Av 5775, Shabbat 18/7/2015

MENU

SEFARAD.org
LOS MUESTROS

Annonces
Nos Peines
Nos Joies

La Perasha de Matot-Masei



La perasha de Matot empesa kon direktivas sovre los nedarim (promesas):
 "Kuando una persona aze neder (promesa) a Adonay,.segun todo lo ke salyo de su boka, ara!"
 
{Me parese ke este orden de mantener muestra palavra, deve de ser valido asi mizmo  frente la djente en jeneral, parientes i amigos.}
 
 Ma, tornaremos a la kestion de las promesas ke azen las personas al Dio.     

 Muestra perasha, efektivamente rekonose la nesesidad ke tiene a vezes kualker persona de anyadar limitasiones sovre si mizmo.
 
Ribi Akiva lo ve al neder en vista pozitiva, i mos dize ke "las promesas son el medio efikaz de batir el apetito".

 Por otro lado, otros hahamim lo ven diferentemente, i mos dizen en forma de pregunta:
 -? "No te abastan las proibisiones ke ya estan en la Tora  sino ke te bushkas mas limitasyones?"

No mos olvidemos lo ke dize en Devarim 13, 1:
"Kuydaras de azer toda koza lo ke Yo te mando;
 no anyadiras de eya, ni de eya kitaras".
 
 A esto komenta el RAMBAM, ke aun ke la Tora esta bien adaptada a la mayoria de las personas, ay kavzos ke tal persona ke tiene alguna flakeza de karakter en alguna kestion espesifika (komo por egzempio, porke es adikto al alkohol),
tome sovre si algun neder por parvenir a mezura.                     
 

                                                                   *

 

En "Masei" meldamos sovre las 42 movidas de los ijos de Yisrael en el dezierto desde la salidura de Ayifto asta ke yegaron a las yanuras de Moav djunto al rio de Yarden.


La Haftara es Irmiaou 2,4

 

- Copyright © sefarad.org - 1997 - 2019

Retour au Site sefarad.org