BLOG - sefarad.org

Perasha Vaethanan. Shabbat Nahamou 16 Av 5775, Shabbat 1/08/2015

MENU

SEFARAD.org
LOS MUESTROS

Annonces
Nos Peines
Nos Joies

La perasha de VAETHANAN
 
En muestra perasha topamnos el pasuk de "Shema Yisrael", ke auna a todo el puevlo Judyo durante los siglos:
"Oye Yisrael, Adonay nuestro Dio, Adonay uno es".
 
El pasuk sigiente mos enkomenda:
"I amaras a Adonay tu Dio kon todo tu korason".
 
RAMBAM konta esta mitsva komo una de las mas importantes ke en la Tora.
De la otra parte, el save, por sierto, a tanto es defisil de kumplir esta mitsva de amar al Dio, el todo poderozo, ma invizible i impalpavle.
Dunke, Rambam mos konseja de observar a todo lo ke kriyo el Dio en su mundo, sus ovras i su saviduria infinita.
En esta manera mos daremos kuenta a tanto somos pekenyos i insinifikantes frente el Kriador.
De mismo meldamos en Tehilim (kapitolo 8):
"O, Adonay nuestro senyor !.......Kuando veo tus sielos, ovra de tus dedos.......(digo): Ke es el ombre ke lo nombras, i el benadam ke te akodras de el?"
 
 
La Haftara es Ishaya 40 (1-25)
 
                                               

- Copyright © sefarad.org - 1997 - 2019

Retour au Site sefarad.org