BLOG - sefarad.org

Perasha Aazinu, Shabbat 13 Tichri 5776, Shabbat 26/09/2015

MENU

SEFARAD.org
LOS MUESTROS

Annonces
Nos Peines
Nos Joies

‏‪La perasha de AAZINU
‪ 
En muestra perasaha mos da Moshe una kantiga muy elevada, kon el buto de ser un testigo eternal entre el Dio i el puevlo de Yisrael.

La poezia empesa kon las palavras:
"Eskuchad, sielos, i  avlare; i  oyga la tierra los dichos de mi boka."

RASHI mos dize, ke la alma de Moshe, tan pura, santa, i alta, fue mas serka a los sielos ke a la tierra. Tambien, se permetio  a "envitar" a los sielos i a la tierra por ser testigos (shaetes) por siempre i siempre.

Por lo mas de mozotros es imposivle de yegar i arrivar a este estado de espiritismo, ma de toda manera ay de perkurar de tener un sierto ekilibro, i no estar embolvidos solamente en kozas i kestiones material.

Ay en la kantiga de Aazinu muchos reproshes sovre el puevlo, porke no siempre observan los mandamientos del Dio, i en konseguensia vienen los kastigos ke azen sufrir a los ijos de Yisrael. Ma, por la onor de Dio, "El tomara vengansa a su angustiadores, i se afalagara kon su tierra, kon su puevlo".



                                                ***



Terminare oy kon la tefila antigua de muestros padres:
 "I kumplas demandas de muestros korasones,  i  korasones de todo tu puevlo Yisrael, por bien i por vidas i por paz, Amen !"
‪ 
La Haftara es Shmuel II, 22

- Copyright © sefarad.org - 1997 - 2019

Retour au Site sefarad.org