BLOG - sefarad.org

Parachat Devarim, Shabbat Hazon 6 av 5774, shabbat 2/8/2014

MENU

SEFARAD.org
LOS MUESTROS

Annonces
Nos Peines
Nos Joies

 
 
 
La perasha de DEVARIM
 

Kon esta perasha empesamos a meldar el livro de Devarim, el sinken livro de la Tora.El primer pasuk ya mos dize:
"Estas son las palavras ke avlo Moshe a todo Yisrael"; siertamente, en todo del livro de Devarim se markan los diskorsos tan imponentes ke salen del fondo del korason del gran lider de Yisrael.

Moshe Rabenu, sinko semanas antes de retornar su alma al Kriador, se preokupa mucho por el futuro del puevlo.
Los ijos de Yisrael estan al enkuentro de konkistar a la tierra prometida, por mantener una vida normal. Ma, Moshe save kuantos peligros ayinda se enkontraran en el kamino. Tambien egziste el miedo de kaida moral djustamiente en yegando a tiempos de rikeza i prosperidad.

Komo pastor fiel, Moshe torna a konsejar al puevlo de no olvidar la salidura de Ayifto, saliendo de esklavedad a la libertad, i  de kumplir las leyes i las mitsvot ke se dieron en el monte de Sinay.

En esta perasha, i durante todo el livro de de Devarim,
Moshe repeta i konta todos los akontesimientos en el dezierto,
por gravarlos en la memoria kolektiva de la nasion.

Por sierto, todas las palavras ke avlo Moshe, no son solamente por akeya jenerasyon sino por siempre i siempre.

                                                        ***
El Shabat antes de Tish'a b'Av, se yama "Shabat Hazon"
al nombre de la aftara "Vizion de Yeshayau".
Terminaremos kon las palavras divinas por boka de este profeta:
"I restorare tus djuezes komo en primero, i tus konsejeros
komo al prinsipio.....Sion, kon djuyisio sera resgatada."
 
 
 
 

- Copyright © sefarad.org - 1997 - 2019

Retour au Site sefarad.org